【無綫台慶】陳展鵬否認胡定欣幫手捧做視帝：除非佢退隱做高層啦
撰文：郭敏玲
出版：更新：
適逢11月19日，無綫電視台慶又再舉行。今年TVB邁向50周年，過200名藝員齊齊出席盛事，同時又是一眾小生花旦爭妍鬥麗的時候。
今年視帝大熱之一的陳展鵬，最近可謂新聞多多，傳緋聞女友胡定欣為今年可以一齊奪視帝視后，親自向高層出口想陳展鵬攞視帝，陳展鵬聞言：「係就好囉，咁就死而無撼啦。」他續道：「其實好開心這幾年自己都同相關獎項有點話題，代表大家都開始知道我的名字，但邊有呢啲嘢呀，都係宣傳手法啫，心水清都知唔係啦，除非定欣退隱做高層啦。」
與此同時，陳展鵬與王浩信被傳為爭視帝不和，他即說：「我同浩信真係有啲可惜嘅，一直都未有機會合作，你話無機會合作係咪不和呢？」問到王浩信都是視帝大熱，陳展鵬都表示認同：「他過往都做過很多突破的角色，而且都有好的表現，希望佢都有好嘅回報。」至於他被傳要求加人工拍劇達3萬蚊一集，與黎耀祥同價。陳展鵬聽到即說：「我唔知同事係甚麼價啦，但我知足常樂，對目前的待遇已經好滿意。」似乎是否認傳聞。