陳曉華奪無綫台慶大獎　直言冇抽獎運：唔係講笑，真係好驚㗎！

無綫《萬千星輝頒獎典禮2019》昨晚（19/11）於電視城圓滿舉行，2018年港姐冠軍陳曉華（Hera）幸運獲得無綫台慶大獎，捧走價值38萬元的黃金及存款。

Hera完騷後表示：「好似我人生中成日都冇諗過攞獎嘅時候就會有囉！因為我由細到大都冇抽獎運，今日綵排嘅時候，佢哋講嘅時候，我都望吓其他嘢。之後到正式嘅時候我都冇諗過有份啦，三個人咋嘛！都有我份？跟住然後就叫咗我啦！真係好驚訝㗎！唔係講笑，真係好驚㗎！」至於獎金用途，她坦言沒想好如何使用，「啲錢點使真係要慢慢返去諗下」，但她答應會請同事食飯，「太突然啦真係！」

不過無綫台慶大獎一向被形容為「藝人魔咒」，皆因獲得此獎的人之後星途都莫名下滑。例如去年獲獎的前無綫藝人、《Think Big天地》的主持邱晴今年曾向《香港01》大呻「好窮」；小花余思霆於2017年得獎後工作量漸漸減少；武打藝人李嘉自於2016年榮獲此獎後，工作量亦不復當年，所創辦的武館更結業收場。

萬千星輝2020｜馮盈盈被指忽然富貴感搞笑　否認炫富：大驚小怪