萬千星輝2020｜馮盈盈被指忽然富貴感搞笑　否認炫富：大驚小怪

藝人馮盈盈近日被指受前無綫老闆、有「殼王」之稱的陳國強照顧，所以「忽然富貴」，住豪宅孭靚袋，對此她大感搞笑：「呢個新聞都幾搞笑。冇任何證據之下都講啲唔係事實嘅事，都咁大迴響。我都知道呢啲好無稽的新聞會好快過去，唔會擺係心上，所以自己都冇乜太大唔開心嘅感覺。」

馮盈盈被指「忽然富貴」，她認為這則新聞相當搞笑。（陳順禎攝）

對於男友鄭衍峯為她抱不平，她直言：「其實唔單止係佢嘅，好多藝員同事第一時間問我『你有冇事呀盈盈，睇開啲啦，好快過去啦！』搞到我以為自己病咗。」

馮盈盈對於男友鄭衍峯為她抱不平，她直言其實有許多同事都為她支持及安慰她。（陳順禎攝）

她更回應被指炫富一事，「首先我係冇炫富，我係過返自己平時嘅生活。自己行得正、企得正，唔會因為其他人特別改變自己。我覺得大家大驚小怪，我哋公司賺錢能力高嘅女藝人都唔少。」她又認為網民的批評僅是「意氣說話」。