踩過界2｜鄧卓殷演PTGF跳樓浴血 誤吞大啖血漿：要即刻搵水飲
撰文：洪曉璇
出版：更新：
鄧卓殷（Amber）呢日(17日)為台慶演出綵排，又踢腿又劈板，搞到全身傷痕纍纍，佢接受《香港01》訪問時話：「好在之前都有跟盼盼姐訓練咗幾個月，不過對腳都係瘀晒，呢幾日啲化妝師都問我咩事要係咁遮瑕，好在台慶揀咗條長裙可以遮住。」
最近熱播嘅《踩過界2》Amber都有份參演其中一個單元飾演PTGF：「戲中我飾演16歲學生係丁子朗女友，好耐無著校服啦！以前係旗袍款，第一次試呢啲純情學生妹白色校裙look，好新鮮！」
Amber喺IG分享一張滿臉鮮血嘅相片，正係劇中跳樓戲後影低：「仲記得係年初新年左右時間拍，第一次吊威也第一次怕跳樓戲，都瞓咗喺車頂成兩三個鐘。同場張振朗蔡思貝都好好，教我應該點做好啲，含住血漿要邊個點噴出嚟。不過我都有唔小心吞咗一大啖，係啲好杰好杰嘅糖漿甜到不得了，要即刻搵水飲。」
+2