林子博貼愛妻董燕君婚紗照悼念：原來，你一直喺我心入面

前無綫（TVB）娛樂新聞主播林子博的太太董燕君（Shirley）去年確診罕見癌症「平滑肌肉瘤（腹腔）」，經過化療電療後，今年8月病情開始惡化，一直與癌魔抗戰的Shirley前日（21/10）不敵癌魔離世。太太離世後的第二天，子博再於社交平台發文悼念愛妻，並留言說：「原來，你一直都喺我心入面。」

子博在Facebook貼出Shirley與兒子的合照，相中的太太身穿婚紗，微笑地望着手拿花束的囝囝。子博寫着：「你離開之後，我一直都喺度諗，究竟你而家去咗邊？去咗你成長嘅地方？返咗去你父母身邊？還是你一直跟住我呢？當我每次為你處理後事嘅時候，我發覺自己根本唔再需要諗你去咗邊。原來，你一直都喺我心入面。」字裏行間流露着很多的不捨，網民紛紛送上安慰：「只係形式唔同咗」、「林太永遠在你心中 ，一直都在」。