同湯洛雯拍拖睇淺水灣豪宅準備築愛巢？ 馬國明：幾個月前啦！
撰文：鄺鈺瑩
出版：更新：
自從公開戀情後，馬國明同湯洛雯經常高調放閃，由於雙方早已見過家長，加上靚湯一早講過每次拍拖都係以結婚為前提，所以大家都坐等公布婚訊。
日前有傳媒影到二人雙雙在淺水灣拍拖，並在地產舖不停研究樓盤，靚湯對該區億元豪宅似特別有興趣，馬明亦細心跟女友共同商量二人未來愛巢。報道仲話靚湯為遷就男友照顧家住太古城嘅家人，所以特別留意港島區嘅樓盤。對於睇樓一事，馬明接受《香港01》訪問時表示其實已經係幾個月前嘅事，並謂：「行過望下啫，無咩特別意思。」
至於是否有意同居，馬明則未有回應，但對於報道指女友幸福肥，馬明就似乎唔多同意：「佢有keep返，輯相幾個月前影，而家瘦返好多，可能你哋最近無影到佢，其實佢瘦返好多，因為接下來佢都有好多job要做 ,佢都有keep返，佢係比較易肥但亦比較易瘦。」呢個回應字字也是愛。
靚湯日前在IG上載不時低炒高炒照片，一如馬明所講：瘦晒！點擊下圖睇睇
+7
+50