麥凱程患嚴重抑鬱症返法國休養　對演藝事業唔死心將開設YT頻道

2016年參選港男入行嘅無綫藝人麥凱程（Alex），今年中因多次缺席《降魔的2.0》宣傳惹來外間揣測，其後無綫方面指Alex已經離港並請假數個月，但未有透露幾時復工，及後麥凱程嘅名字更於無綫官網上消失。原來麥凱程早前因社會氣氛而患上嚴重抑鬱症，如今人在出生地波爾多休養當中。他接受訪問時透露最嚴重時就連睇新聞都會喊，整個人變得十分負面，亦曾出現自殺念頭，幸得家人與朋友支持，如今在法國定期睇醫生，但希望可以天然方法治療，不想依賴藥物。

返回法國之後，麥凱程開始接手家族做嘅汽車電池和電動單車生意，他表示由於疫情關係，唔少市民都抗拒坐交通工具，加上有政府資助，令電動單車需求大增，他主要負責拓展網上業務和發展。至於與無綫嘅關係，麥凱程表示已經完約，但不便透露太多，只係預告演藝事業唔會停，預計年底將會開設個人YouTube頻道，目前正物識經理人。