【新冠肺炎】袁學謙搞副業抗「疫」市：連續7個月一蚊收入都冇！

新冠肺炎肆虐，當商家都在哀怨經濟不景氣的時候，憑無綫（TVB）旅遊節目《離地自由行》闖出一片天的袁學謙（Benedict）就決定「逆」市為手搖飲品店開分店，趁着空檔開創副業：「冇限聚令嘅情況下都賺到錢，但一限人數生意就差咗好多，得番平時嘅十分一。」第三波疫情剛過去，他說擴張副業都有一定程度的擔心：「不過有危有機，業主肯減兩三成租我哋先決定租，都會驚第四波疫情令個市更加差。」

疫情底下，Benedict坦言無論工作量還是收入均大減，Benedict大嘆：「唔OK呀！我之前連續7個月一蚊收入都冇，二月到九月一個Job都冇，唯有搣老底。」很多計劃都化為泡影：「最辛苦係計劃咗節目要拍，原本《自遊行》準備拍第五、六季，但因為冇得飛，就唯有拍Staycation！」他又透露自己印象深刻的一家酒店：「拍咗15、16間，我鍾意K11 Artus，唯一一間可以開窗，聽到海風嘅酒店！」更表示疫情後要即飛日本：「要食魚生、希望趕得切下年睇櫻花！」