張曦雯拍完《踩過界2》冇劇開　Hea足幾個月：一直休息到依家

張曦雯（Kelly）出席全港首間女性專屬健身中心開幕活動，Kelly表示自己平時都有健身的習慣，她說：「拍《飛虎》嗰段時期會一星期起碼做三次gym，不過之前因為疫情關係，gym room無開就變咗要喺屋企keep fit，做下瑜伽同拉筋，依家終於可以去返gym room健身，我都要操返Fit嚟準備開工。」她透露已在家中hea了多個月：「我5月拍完《踩過界2》之後就一直休息到依家，所以都係時候要鍛練返。」

別看Kelly身材Fit爆，原來她最鍾意食junk food，例如薯條、pizza和薯片等這些高熱量的食物，她坦言自已屬大食一族，以她的食量很容易長胖：「不過我唔會禁止自己食某啲食物，我會照食鍾意啲嘢食，情願做多啲運動去消耗返，又或者下一餐食返少啲，總之要平衡返。」問到去做gym時可有試過被男仔撩或是被人𥄫，她說：「無畀人撩，但嚟呢個女士專用健身室就會方便啲，無咁尷尬，可以唔使化妝，又可以同女性朋友一齊嚟做gym。」