美國隊長基斯伊雲斯親回露鳥照：Now that I have your attention

9月12日美國隊長基斯伊雲斯，被發現上載一張手機畫面截圖到IG STORY，其中一格驚現疑似拍攝男性下體照，雖然佢一發現就火速刪除，但亦難逃被網友儲存瘋傳。相隔3日後基斯伊雲斯終於親身回應。

基斯伊雲斯今年5月加入IG，短短4個月已有六百多萬網友追蹤。據外媒報道呢次引起哄動嘅相片，係因為基斯伊雲斯與家人玩Heads Up遊戲，分享一張手機畫面截圖，合共有6張圖片及5支影片縮圖，其中一張黑白照疑為男性拍攝下半身男生生殖器。

相隔3日，基斯伊雲斯9月15日於個人Twitter回應話：「Now that I have your attention🤦🏻‍♂️🤷🏻‍♂️....VOTE Nov 3rd!!!」以掩面及攤開雙手表情符號，默認並非帳戶被盜而係自己誤傳相片感到尷尬，而佢只喺Twitter留言，唔通已經驚咗唔敢用IG？