周柏豪狂迷網上示愛 男神霸氣回應：每日都有人同我求婚！
撰文：林通賢
出版：更新：
周柏豪今日出席《使徒行者2》記者會，劇中他飾演黑幫成員，還要駕電單車，但無論他的角色如何搶鏡，都不及早前他的一位瘋狂女粉絲向他示愛這麼轟動。柏豪亦有備而來，回應更不失霸氣，他說：「我就唔想將件事繼續升溫，我就最好唔講嘢，大家有權做大家嘅嘢，歌迷可以表示佢嘅愛意，大家亦可以鼓勵佢，我係唔可以阻止人做任何嘢。但我覺得呢件事係唔健康嘅，亦唔想大家令件事越炒越熱囉，其實對我嚟講，唔係新鮮㗎喇，有人同我求婚或者同我講我愛你，因為每日都發生緊呢啲嘢，有歌迷就會出現呢啲嘢㗎啦，唔覺得係一件特別嘅事。」
女粉絲向偶像示愛，好正常，大家別大驚小怪，而劇中另一位多女粉支持的就是袁偉豪，今次在劇中又要騷肌肉，他說：「一如以往啦，我每套劇都會合情合理地曬肌肉，早前泰國外景就拍了一場我在泳池邊同一位三點式泰國model 攞情報啦，但冇肉摶場面，如果有，我要備案先。我就著白色泳褲拍嘅，不過做足安全措施，上水落水都唔會有事，拍之前當然要做返幾十下掌上壓啦。」