江嘉敏被指有心搭路認識郭嘉文 林凱恩澄清：大家對佢唔係太認識
撰文：賴家杰
出版：更新：
《愛·回家之開心速遞》演員林凱恩（Iris）今天（25日）出席七夕情人節活動，對於這個節日，她透露早已被約：「屋企人約咗我喺屋企燒烤，成件事都好浪漫。（異性呢？）我哥哥囉，不過呢方面就隨緣啦。」
早前Iris的28歲生日，與一眾好姊妹江嘉敏、鄺潔楹與及李澤楷現任女友郭嘉文一起相約在酒店渡過。事後照片發到社交網站上，結果指江嘉敏搭路想認識郭嘉文，Iris也看到類似的報道，表示是有點不開心：「我有少少唔開心，佢哋係為咗俾驚喜我，但反而佢哋就畀人咁樣寫。佢哋出發點係為我好，點解大家將所有嘢睇到咁，大家幻想多咗。」
Iris亦覺得有需要為江嘉敏澄清一點：「大家對佢唔係太認識，佢份人太率真啦，所以本身佢係小富婆，投資有道。同埋佢細細個已經做好多幕前工作，我估佢有唔少積蓄，所以可能有時我哋都要問佢點投資，所以佢自己就係最大嘅靠山，有啲報道我會想幫佢澄清。」
點擊下圖觀看慶生畫面，以及江嘉敏IG靚相：
+29