【幕後玩家】飢渴張繼聰勁爆獨男金句：愛情退一步人去樓空

無綫劇《幕後玩家》在早前推出的宣傳片中，將公關營造成「大支野」、「有錢大晒」等形象而被批與事實不符，惹來網上不少自稱從事公關行業的網民群起而攻之。
不過大家以為套劇鬧兩鬧就沒有人看？少年，你太年輕了！事實證明大家再一次掉進無綫慣用的宣傳技倆之中，劇集反而愈鬧愈多人睇，其中最多人討論的就是Tim少（張繼聰飾）每集都會爆出的精闢啜核金句，張繼聰話多謝編劇們給他一個很有趣的角色和金句，咁大家覺得以下邊句最合心水？

啲人話錢係萬惡，咪個個都搵，啲人話女人係紅顏禍水，咪個個都滾。

勁Dry的Tim少見到汐然（蕭正楠飾）不懂把握機會與成雙（黃翠如飾）發展，便拋下這句話，嗯……的確幾有道理。（網上圖片）

我想鴛鴦戲水就浸死，比翼雙飛就撻死。

昇海（黃宗澤飾）有葉燁（劉佩玥飾）投懷送抱，汐然與成雙舊情復熾，唯獨Tim少依然一支公，難怪他會心灰意冷。各位獨男獨女，這句有否Hit中你心聲？（網上圖片）

我都好想有女搞我呀，但我無人問津，好失禮呀！

情傾葉燁的Tim少到底有幾飢渴？從這句說話或可略知一二，難得的是一個男人能夠如此坦白。（Youtube截圖）

I'm so lonely, I'm so lonely in Kowloon City. I'm so lonely, I need a girl.

Tim少在酒吧自彈自唱情歌的一幕，當中演唱的這首《寂寞的九龍城》原來是張繼聰即場創作的歌曲，想不到凌晨四時開工的他依然靈感如泉湧，不愧是唱作歌手。（Youtube截圖）

愛情邊有得講道理㗎？一嘴解千愁你又唔做，一攬泯恩仇你又不屑做，咁醒呀，你唔好出家剃度？

愛情從來不講理智，要講理智不如唔好拍拖？Tim少話嘅！（Youtube截圖）

做嘢退一步海闊天空，愛情退一步人去樓空。

還在猶疑要不要捉緊眼前機會？不如聽聽Tim少的意見。（Facebook圖片）

唔係猛龍唔過江，唔係豬排唔化妝！

喂，Tim少你可以唔好咁Mean嗎？不過我鍾意！（Facebook圖片）

【幕後玩家】劉佩玥性感演小三　超緊張靠黃宗澤引導：幫我衝破心理關口【多圖】《幕後玩家》隱藏靚女起底　華姐仙氣魔女港姐集齊【幕後玩家】黃宗澤疑爆粗有前科　TVB劇經典蝦碌位有得睇【幕後玩家】黃宗澤首集疑似爆粗　網友質疑：佢講呢個真係X膠？