高永文局長忽然現身白雲婚禮 為減肥打三個月泰拳
撰文：林通賢
出版：更新：
「神獸天使」白雲今日下嫁前香港先生江俊霖，在洲際酒店擺了38圍，食物及衛生局局長高永文亦是賓客之一，原來他是江俊霖父親的好朋友。新娘子白雲則表示，最感動是簽紙一刻：「簽紙那一刻好感動，因為感覺唔係好真實，好似發緊夢。」老公江俊霖亦覺得簽紙好感動，他說：「（最感動）都係簽紙那一刻，睇到佢（白雲）由樓梯行落嚟，覺得等咗呢一刻5年喇！」兩位更在傳媒面前錫足3次，而白雲為了今天這大喜之日，勁減了接近15磅，她說：「我就貪靚少少，所以三個月前開始去朋友間泰拳館打拳，最勁試過一星期打5次，每次幾個鐘。都減咗15磅。」不過她表示不急於做人：「我哋兩個仲未急住呀，因為想事業衝多一陣，但都有生小朋友嘅計劃。」
而姊妹之一的朱晨麗原來今早拍完劇即來，所以全日都好眼瞓，她說：「我今朝仲開緊劇，收工即來，我這個髮型更是劇中造型。我第一次做姊妹，覺得簽紙那刻好感動，我就搶唔到花球喇，其實搶到都冇用，我連男朋友都冇。」