【新冠肺炎】阮小儀忽然肚痾惹中招疑雲：嗰種驚好慘真係似有絕症

本港娛樂圈已經先後5人確診新冠肺炎，而且佢地潛伏期間曾到多處工作、聚餐，令娛圈中人人自危。歌手施匡翹及宣傳人員阿佳確診前曾多次到電視台及電台，呢日小儀開咪主持電台節目《早霸王》時，透露自己身體不適惹來中招疑雲。

小儀21日早上主持《早霸王》時表示自己有痾嘔情況：「我之前成日覺得喉嚨唔舒服，尋日仲肚屙﹗死啦好驚，嗰種驚好慘，真係好似自己有絕症，唔敢話俾身邊人知，返到屋企唔敢同媽媽講。好在後來我醒起自己食咗中藥，會令我肚瀉。其實我都只係肚瀉一次，今日已經無事啦。」