【新冠肺炎】與麥德羅合作無間　王維德：對上一次見佢係6月5號

昨天（18日）娛樂圈爆出感染疫群組，當中包括有61歲歌手麥德羅、其女友Apple姐（劉麗萍）與及Apple姐旗下的藝人施匡翹和一名freelance宣傳人員，共4人確診。而今日麥德羅的公關同事向傳媒他更新情況：「麥德羅今朝好反覆，呼吸困難，醫生畀藥佢昏睡緊，等佢醒咗，再馬上向大家報告」

新冠肺炎︱麥德羅病情反覆呼吸困難　「醫生畀藥佢昏睡緊！」

點擊圖輯睇施匡翹相關人員現況：

而與麥德羅合作無間的王維德就表示知道麥德羅受感染之後便立即致電去慰問，又表示自己對上一次見麥德羅已是6月5號，而且自己的抗疫意識亦非常高：「我1月至5月期間，我出街嘅次數都唔過15次，因為我個性格係咁，好謹慎，少話出去玩呀，飲酒嗰啲。我喺屋企好多嘢做，會執吓屋呀，練吓自己啲嘢，練歌練舞。其實只要大家可以齊心啲抗疫，一齊十幾二十日冇必要就唔出街就會好好多。其實我就唔怕嘅，只係我怕自己中咗會影響到身邊嘅人，影響到啲唔識嘅人都唔好啦！」而王維德亦表示原本與麥德羅亦有打算再次合作辦音樂會，可惜因為疫情和麥德羅的身體狀況關係而暫時擱置。