【殺手】佛爺硬上嫻姐　江美儀爆拍攝勁搞笑：李成昌怕羞！

無綫（TVB）劇集《殺手》日前在宣傳活動中， 公布了首周7天跨平台總收視有29.2點，觀眾人數190萬，成績亮眼。上星期第10集播出，「佛爺」（李成昌飾）硬闖一樓一強姦江美儀（飾嫻姐）一幕更震撼了不少觀眾。
江美儀接受《香港01》訪問時提那一幕，就笑說：「成昌有少少怕羞。」

江美儀：「其實拍之前都有同成昌溝通，因為呢啲戲男方壓力會好大，驚你覺得佢博懵。場戲都順利嘅，反以係成昌有少少怕羞。我就話：『放心喎，我打晒底。』」不過她就表示，最搞笑的不是李成昌怕羞，而是武指與導演之間的對話：「嗰場就講祥哥，成昌搞緊嘅時候衝入嚟救我，武指就問：『祥哥做呢個動作，美儀會唔會喺度？如果喺度，咁佢條底褲除咗未？』哈哈哈，佢仲問應該落到邊個位。」不過後來這一幕鏡頭就被省卻了。

點擊連結　重溫畫面：【殺手】「佛爺」李成昌硬闖一樓一強姦江美儀　55秒床上戲逐格睇