周柏豪家頭細務親力親為　兼做柴可夫變絕世好男人

有型靚仔的周柏豪自從升呢做爸爸後，就經常在社交平台大曬與囡囡SONYA互動的溫馨照片，一臉慈父樣非常幸福。昨晚（13/7），柏豪在IG直播與粉絲傾偈，當中談到做家務的話題，柏豪指沒有聘請工人姐姐，掃地、吸塵等等的家頭細務都是他親力親為，網民聽完大讚柏豪是絕世好男人。

柏豪說太太捱了一刀為他誕下人生中最寶貴的禮物，自己只是盡回應有的責任：「有啲嘢係需要自己做，煮飯我唔識，就要叫外賣或太太煮。洗碗、倒垃圾完全係一個人應該要做嘅嘢。仲有揸車，我係一個控制狂，我唔放心佢哋（太太同囡囡）出街係坐人哋嘅車，我會好冇安全感，加上BB好細，永遠我都想自己車出車入，係最安全。」另外，柏豪居住在清水灣傲瀧，與王浩信、關智斌等人做鄰居。因鄰近山邊家中經常有很多昆蟲出沒，為了防止蚊蟲咬到愛囡，他在家中準備了5個電蚊拍，每間房都配備一個，可以即時為囡囡趕蚊，提供安全舒適的居住環境。錫囡囡錫到燶，仲唔係絕世好爸！

點撃睇更多柏豪靚相：