王浩信生日絕口不提老婆陳自瑤　姜皓文：佢成日唔返屋企

王浩信昨日(7日)37歲生日，他在IG騷肌肉慶祝，獲不少圈中好友點讚並留言祝賀，唯獨老婆陳自瑤（YoYo）未有影。原來王浩信於生日正日為新劇《刑偵日記》開工，並獲兩位拍檔姜皓文、袁偉豪送上蛋糕慶祝，由《東張西望》嘅探班片段所見，王浩信除叫大家支持新劇外，亦有多謝父母。當主持人問到點解生日唔放假時，他說：「邊有放自己假架？生日開工係好意頭，同埋呢個劇本方面都好好，所以生日開工特別有意義。」

問到會否提早收工與女兒慶祝時，在旁的姜皓文講笑表示：「佢成日都唔返屋企。」而王浩信就話唔會提早收工，並謂：「爸爸要做嘢佢知道，咁喺呢度話你知爸爸好掛住你啦。」整個訪問唔提老婆之餘，連同囡囡對話都要透過電視訪問，睇嚟呢位視帝真係好忙。