經常被認錯為孖生哥哥馮允謙　馮重謙：會畀人問我影唔影相！

馮允謙（Jay）今日（7/7）與孖生細佬馮重謙（Tim）一同出席中環置地廣場舉行的時裝品牌活動，藉此支持本地時裝設計師。兩兄弟向來甚少一同出席Event，他們說今次也是第二趟，Jay笑言很開心：「之前成日一個人出Event，我就覺得好孤單，今次有細佬一齊，好開心。」

Jay表示最近與Tim開設了一個YouTube頻道，全因為細佬唱歌也很動聽，「我同Tim會做下Cover（翻唱），又會拍下啲片。」Tim再幫哥哥解釋：「其實大家都知道疫情關係，好多人都留喺屋企，所以我哋就諗緊點把握呢個機會，所以就開咗呢個YouTube Channel。」

談到孖生兄弟，難免會被人認錯，再加上哥哥是歌手，Tim坦言已習以為常：「有時坐地鐵都會畀人問我影唔影相，但我都會答我唔係佢。我哋都嚟咗香港8、9年，當時佢仲參加《超級巨聲》，所以係街成日畀人認錯，感覺好奇怪。依家我就會答，我唔係佢，但要影相我都Ok。」