承認丈夫卡拉OK生意受疫情影響 諸葛紫岐：唔問佢蝕幾錢啦！
撰文：賴家杰
出版：更新：
諸葛紫岐（Marie）久未露面出席公開活動，今天（7/7）她出席中環置地廣場舉辦的時裝品牌活動，並戴上防疫面罩，她說：「因為今日多咗好多確診人數，好驚。你知香港人口密度好高，其實驚好快傳播。」
Marie表示疫情關係近乎是留在家中抗疫，不像老公是一個工作狂，「老公日日都出去返工，佢好鍾意做嘢，完全係唔怕死。（有鬧佢？）鬧佢都冇用，咁佢去做嘢，咁返到屋企都幫佢噴消毒。」
而老公的連鎖卡拉OK生意，早前因政府宣布暫停營業將近一個月，她透露確實有蝕錢：「好受影響，之前都開唔到，但都冇辦法，要為大家安全着想。（損失幾位數？）呢啲唔問啦，佢自己計啦，我就唔問啦。」