吳岱融開新劇感激觀眾支持：太太都讚我做得奸
撰文：林通賢
出版：更新：
這個星期最熱的絕對是「鷲哥」吳岱融，他今晚出席新劇《我瞞結婚了》煞科宴，依然是焦點。今日有報道拍得吳岱融的52歲太太鍾淑慧，融哥就說對於傳媒追訪感到意外，他說：「都估唔到有人會跟佢，其實佢都有興趣復出，不過要睇劇本，佢都有睇《巨輪II》，話我做得幾奸，自己冇諗過有咁大迴響，好多謝大家，嚟緊都有幾部戲接咗，嗰仔就唔知有冇興趣喇，我唔反對，但佢好文靜，所以未必啱佢。」
《我》劇亦有王卓淇演出，早前她與坤哥鬧出緋聞，更牽涉到龔嘉欣，今日她出席煞科時表示，事件已告一段落。她說：「其實件事好大誤會，不過現在都冇嘢啦，坤哥同我都有聯絡，叫我唔好太擔心，（佢唔認你做女友喎？）吓？咁佢真係唔係我男友痳，冇人同我拍拖而可以唔認我囉⋯⋯哈哈（咁有冇同龔嘉欣聯絡？）其實同佢唔認識，我諗大家都知係誤會啫。所以不太擔心。」