陳凱琳勤做孕婦運動保持身形 感恩：懂得珍惜是多麼重要
撰文：洪曉璇
出版：更新：
上個月剛踏入29歲嘅陳凱琳，可算係人生勝利組。港姐冠軍入行，事業發展順利，遇上鄭嘉穎拍拖再結婚，話咁快已經陀住第2胎。好多媽媽話第二胎會陀得較辛苦，但Grace依舊得天獨厚被封為最美孕婦，佢自己都話：「懂得珍惜，是多麼重要。」
Grace貼出幾張戶外照，留言話：「珍惜現階段，珍惜大自然嘅美麗，珍惜身邊嘅朋友，珍惜家人嘅照顧，懂得珍惜，是多麼重要。」其實要學似佢肥肚唔肥人都有方法！Grace原來大住肚都有做適量運動：「有好多人都問我：大肚嘅時候應唔應該做運動呢？又驚整親BB，又驚自己冇咁多體力⋯其實我覺得運動係必需要做嘅！因為醫生都建議輕鬆簡單嘅動作會令到我哋血氣運行同埋冇咁容易攰！之前同大家分享過我去做pregnancy pilates，用拉筋去提升flexibility —舒緩容易疲勞嘅關節！」
+2