【異搜店】吳業坤同陳曉華演情侶　興奮搵貓錫嘴練習：好似中頭獎

吳業坤（坤哥）今日（29/6）出席在電視城舉行的無綫新劇《異搜店》造型記者會。坤哥笑言終於可以擺脫過往廢青角色，一嘗做醫生滋味，「開始慢慢做一啲專業人士嘅職業俾我去做，咁都好嘅，可以將自己嘅形象慢慢轉變，好似初初我演嘅角色，大多數都係演一啲廢青同MK仔角色，而家慢慢將我嘅戲路改變係一件好事嚟。」

（同陳曉華有感情線？）坤哥直言：「其實當我收到劇本之後，知道同Hera有感情線，莫講話嗰日瞓唔着，我而家都瞓唔着呀！得而且確好似中咗頭獎咁， 真係好多謝監製，好似戲裡面我同佢都好似有Goodbye kiss ，咁所以我都會每日好好咁練習，去錫下我隻貓演一番先。」