【殺手】江嘉敏台灣拍劇肥足8公斤　被監製投訴：你會逼爆個mon

江嘉敏（Kaman）今天（25日）出席劇集《殺手》宣傳活動，拍攝劇集時曾到台灣取景，Kaman在拍攝完後品嘗地道美食，她自爆在那段期間肥了8公斤：「我哋去咗半個月有多，咁我唔係日日要開工，所以多咗好多閒餘時間參觀食嘢。太得閒關係我一日食足三餐，飲好多飲料。又打邊爐、串燒、燒烤，搞到半個月肥8公斤真係好犀利。」

當時回到香港Kaman後，她要立即減肥：「我都用咗3、4個月先減返個啲磅數。依家開工都有畀監製投訴，都係同一個監製嚟，佢話『唔得啦，你真係要減一減個磅數，唔係你會迫爆個mon。』」

Kaman早前傳出與馮盈盈不和，最近她在盈盈IG發布的新帖留言，再被指是暗串對方，「其實我覺得大家過份解讀，有樣嘢我覺得做好自己就Ok，因為我唔Like唔留言又話乜，咁我都係做返平時自己會做嘅嘢，希望大家唔好再誤會。」