吳嘉熙拍靈探節目疑撞邪　病足三星期：開始疑神疑鬼

吳嘉熙（Cheronna）昨日（19/6）現身觀塘出席香港開電視《30分鐘大放餸》節目錄影大顯廚藝。Cheronna透露早前為電視台拍攝靈探節目後，疑似撞邪病足三個星期，「我去咗三個地方靈探，第一個地方已經感覺到靈體好唔友善，嗰陣時已經好驚，全身粗起晒雞皮，每次問靈體一啲問題嘅時候，佢會話俾你知佢喺咩位置，我就會覺得好唔舒服，之後返到屋企我都唔敢熄燈瞓覺，仲會開始疑神疑鬼，第二日仲患感冒又喉嚨痛，到宜家都仲病緊未好返。」