75歲雪妮不續約無綫　老公唐佳：身體唔好，咪休息吓

無綫新劇《食腦喪B》仍在拍攝中，75歲嘅雪妮亦有份參與，不過原來雪妮上月已約滿離巢，正式與無綫結束23年賓主關係，雪妮老公唐佳承接受訪問時，透露無綫曾挽留，但考慮到健康問題，所以決定唔再續約，並表示雪妮姐的身體不好，戴了幾年耳機，聽力變差令所以很不方便，之前亦試過跌傷過膝頭，所以打算休息和享受生活。

雪妮年幼因家貧，未夠18歲就已經簽約正式出道。60年代成為當家花旦嘅佢，高峰時期於七年拍逾四十多部電影，並以女黑俠木蘭花》奠定佢為粵語片首席武打女星嘅地位。不過，雪妮於24歲時急流勇退，決心與當時做武師嘅唐佳結婚，並專心相夫教子，直到1997年回流香港。

雪妮同老公唐佳結婚51年，經常形影不離，唐佳不時陪雪妮開工拍戲，羨煞旁人，唐佳曾於訪問中自嘲是「阿四」，而雪妮亦指老公係佢嘅保鑣、經理人兼阿四。