江嘉敏口說未得閒同馮盈盈慶生　轉頭與林凱恩食飯仲另有暗示？

江嘉敏與馮盈盈因上何猷亨「富豪船P」鬧不和，二人日前出席活動，在傳媒面前攬腰力證姊妹情不變。盈盈上星期生日，作為好姊妹的江嘉敏未有與對方慶祝，稱各有各忙，未約到時間食飯補祝生日。揚言工作好忙的江嘉敏，卻在社交網站上傳與另一好姊妹林凱恩撐枱腳的照片，當中的留言似乎有弦外之音。

江嘉敏與林凱恩看着海景聽住音樂食飯，浪漫得好像拍拖一樣，她留言說：「約咗好多日，終於約到。唔想求求其其食餐飯就算，望住海景，聽住音樂傾下計，有啲浪漫。浪漫到超人有少少呷醋。佢好細心，剝緊蝦殼時問：『洗唔洗（使唔使）我幫你剝丫（吖）？』講完就直接將剝好嘅蝦放咗係我隻碟，而我又啱啱好偷望咗佢一下，剛好對上大家眼神。」

江嘉敏又不斷強調林凱恩為人善良，喜歡對方的頭禪「平安就好」，而她自己則性格火爆，與林凱恩的性格剛好相反，江嘉敏又形容林凱恩好像男朋友一樣照顧她：「燥底嘅時候有佢係（喺）身邊，一隻手攬住你膊頭，一邊做樹窿吸哂啲負能量，感覺好似小男友。佢，係一個Man得嚟好sweet嘅小女孩。」而江嘉敏的hashtag似乎話中有話，「#簡簡單單就好 #做人何必咁複雜 #佢真的善良唔容許有人蝦佢」，大眾又再次解讀另有暗示。

江嘉敏回覆《香港01》，指跟林凱恩定時都有傾偈食飯，「同埋呢排好多朋友生日，都有同其他朋友食飯，不過都要就好多次時間先約到，因為最近通告真係好密，好彩啲朋友都諒解。」真的因為太忙，先未約到馮盈盈食生日飯啫。