兩個小生去Camping│唔只王君馨　周柏豪黃智雯都曾愛上對手？

袁偉豪（Ben）、周柏豪主持的無綫（TVB）節目《兩個小生去Camping》，每集有不同好友做嘉賓，在最新一集，請來王君馨（Grace）、黃智雯（Mandy）及鄧佩儀（Gloria）一齊camping。

袁偉豪特別提起王君馨早前曾在自己的YouTube Channel中提及，因自己太入戲，而對對手日久生情，外界曾經傳過其中一個嫌疑人就是袁偉豪，如今他不避嫌提起話題，王君馨亦大方表示有向當時的男朋友、現任丈夫Daniel坦誠曾發夢見到劇中拍檔：「我覺得大家要好坦白，所以我選擇同佢講我發夢見到劇中對手，佢問係邊個，我就畀咗啲資料佢睇。」問到婚後會否對親熱戲有避忌，柏豪與君馨都異口同聲表示不會，柏豪說：「未結婚之前反而驚對方唔知點諗，但結咗婚，對方肯定會信自己。」所以拍親熱戲反而比之前更放膽。

不只王君馨，黃智雯和周柏豪亦坦誠有類似經歷，黃智雯說：「試過好投入，拍完劇見唔到對方會唔慣，有次揸緊車打畀對方同佢講拜拜，跟住喊，好似同個角色告別咁。」她更笑言自己比君馨naughty，「做演員係會有啲出賣感情，我覺得係幾衰，要借嗰啲感覺、火花去做到嗰個（戲劇）效果。」

而柏豪則直言曾經喜歡上對手：「你話有冇鍾意對方，係有嘅，嗰排日日夜夜都對住嗰個人，突然之間拍完嗰套戲，唔見嗰個人係會有啲sad，好似失咗一個好了解對方同埋日日夜夜都會見到嘅人。」而他在節目中曾說過跟鄧佩儀在《再創世紀》中日對夜對，寫下對方的29件小事「事件簿」，更在節目中讀出來，唔通……其中一位「好了解對方同埋日日夜夜都會見到嘅人」就係鄧佩儀？！

重溫節目足本對話，點擊圖片：

柏豪跟不少女星曾經合作過，點擊圖片：

演員拍戲期間朝夕共對，難免會產生真感情，雖然君馨強調：「其實一完呢就拜拜。」但做藝人的另一半，心臟真係要好強大先得！

【同場加映】─內地網紅五官精緻激似金城武　真身竟然係近200磅肥叔叔！