羅志祥疑用新歌向周揚青再道歉 網友：他不是想復合是想復工
撰文：洪曉璇
出版：更新：
羅志祥同周揚青分手一事可以話係2020年上半年最爆娛樂新聞，由周揚青以千字文踢爆小豬渣男一面，小豬公開道歉後，再發千字文細訴同周揚青嘅感情路。之後事件好似沉寂落嚟，呢日小豬又有新舉動疑似發功。
小豬返回台灣完成強制隔離後，暫時未有公開露面，但不時更新社交網，除咗宣傳自家潮店，近日佢喺IG STORY上載兩張相，透露自己正預備新歌，影住電腦螢幕嘅相片，寫上「搞定」，有精明網友睇到歌名疑似叫《對不起》，似乎憑歌寄意再向周揚青耍冧道歉。不過有網友就不屑地留言話：「分手了還消費前女友。」「他不是想復合，他是想復工。」