與「死敵」王浩信鬥到入樂壇　陳展鵬：大家市場唔同

早前有消息指陳展鵬與無綫在傾續約時，以續約作為籌碼，要求無綫准許他加盟其他唱片公司，一償21年前歌手夢，最終獲無綫大開綠燈放行再闖歌壇，與「死敵」王浩信由戲內鬥到入歌壇，相信兩大視帝今年會上演一場龍爭虎鬥精彩場面。

陳展鵬今日（18/5）出席無綫新劇《超能使者》拜神儀式，接受《香港01》訪問時表示：「其實同唱片公司方面已經都傾得七七八八，自己緊係好想快啲簽，但好多嘢都唔急得，要成事向外公布起碼都要四至五個月後，至於話我以續約作為籌碼，附帶條件俾我簽唱片公司，緊係冇呢樣嘢啦，大家都知出唱片都係蝕住嚟做。」展鵬續指：「如果大家將我同王浩信作比較是一件好事，有良性競爭先有進步，況且雙方拍嘅劇同唱嘅歌都唔同市場，都冇衝突，不過最緊要大家做到自己鍾意嘅，觀眾又睇得開心。」