楊明幫香港警察拍宣傳片　Easy Sir提你防止電話騙案

出盡力撐警嘅楊明，早前獲內地「中國新聞網」關注搵佢做訪問，他在訪問中再一次表明撐警決心：「香港咁繁榮穩定或者罪案率咁低，其實要歸功於警察幫我哋維持治案……」瞓身撐警嘅楊明，近日終獲香港警察委派任務——拍攝防止電話騙案嘅影片！

影片中，身穿便服嘅楊明非常嚴肅咁以以廣東話講出電話騙案嘅方式，當中包括有以入境處人員、速遞公司職員、公安向收害人聲稱觸犯內地法例、或被盜用銀行户口進行洗黑錢。「如果大家真係咁唔好彩，接到呢啲電話唔知點樣做，或者有所懷疑，你哋都可以即時打防騙熱線……」影片全長分半鐘，除咗上載到香港警察FB專頁外，亦有上載到微博。短短幾日已經有10萬觀看次數，不過有網友覺得楊明曾犯事，似乎不太適合為警方拍宣傳片。