【新冠肺炎】細So疑為防疫頂撞高層被商台炒魷 范振鋒：覺得好慘
撰文：吳子生
出版：更新：
范振鋒（阿范）今日（18/4）到新城電台為《開心大派對》擔任節目主持，訪問節目嘉賓陳山聰。提到商台DJ細So（蘇耀宗）疑因在家工作防疫等問題頂撞高層，事後遭到商台解僱，結束20年賓主關係，細So心感難過，直指商台沒有人情味。阿范接受《香港01》訪問時坦言也有同感：「佢係一個好出色嘅電台節目主持人，佢嘅離開我感到可惜，喺呢個時勢被解僱，我覺得好慘，係會比較擔心啲。」
問會否同公司高層頂撞？阿范表示：「其實我一向都好少同公司爭拗，好坦白講我自己都有諗過自己會老，講嘢唔入流，明白每一段時期都會有唔同嘅新主持人出現，所以喺好多年前我已經諗緊轉型，咁所以而家有自己嘅電影製作公司，起碼都有兩手準備，咁所以自己個心都會定少少，唔怕到時冇DJ做，先至嚟諗。」
楊思琦IG貼相公開細仔英文名叫Kody 網民大讚：超得意！張若錡IG晒性感睡衣照 盼促膝詳談 網民神級留言：同你捉蝨除痰【機場特警】王梓軒被誤會「偷食」鄧佩儀 海旁拍談情戲逼真【開心速遞】傳不滿受訪罵走女主播 呂慧儀感委屈：當做下宣傳