黃心穎否認與筍盤拍拖　堅稱唔過電︰他不是我鍾意type

黃心穎以一身《神鵰俠侶》小龍女造型為遊戲節目《我愛香港》錄影，有姑姑就一定有過兒，有過兒就會有隻鵰，所以洪天明與麥美恩同樣cosplay示人。黃心穎就話自己非常喜歡《神雕俠侶》，如果可以最想身邊的楊過由古天樂來飾演。

而最近心穎被拍到跟電訊公司高層甜蜜約會，並指男方與心穎早在1月時已撻著，她聽到後說：「唔止1月時撻著，仲撻著咗幾年！我們其實都識咗幾年啦，一直都係好朋友。」問到有無機會發展，心穎話：「大家都話他好好，是一個筍盤，但應該不會一齊啦。（差咁啲咩？）他不是我鍾意的type(類型)。」她又指報道出街後，與對方在whatsapp群組互相取笑。與此同時，有不少朋友見到報道後，馬上致電心穎，「他們都好關心我，有些仲恭喜我，就連志偉哥(曾志偉)都知件事。不過男方都有同我say sorry，覺得每次有新聞都得我自己handle，我反而覺得不好意思就真。」心穎又話如果真係拍拖，會以正常途徑宣布。

至於岑麗香(香香)就為宣傳電影《辣警霸王花》上節目，以一身迷彩造型示人。最近她就自拍自己搭地鐵，非常貼地。香香就話：「香港人嘛！就梗係要搭地鐵！」其後她就分享在珠寶展的戰利品，就是手上的手鏈，她說：「本來要5位數，但在展覽買就4位數搞掂。」