【飛檳吧！男神】籃球女神Cheri 唔只打波叻　仲參選過世界小姐

由廣告界男神莫竣名（Louis）同黎學勤（Jeffery）主持嘅《飛檳吧！男神》，唔經唔覺已經播到第11集，兩位主持喺當地製片人嘅幫助下，繼續拍攝為名溝女為實。最新一集，搵埋當地籃球隊Ball Madness嘅兩位女將Cheri同婉儀幫手落田種米，真係辛苦晒。
 

Cheri S.Lowitz早前曾參加過馬來西亞世界小姐選美比賽，雖然喺決賽止步，但由於樣子甜美，加上身材超好，令不少網民留下深刻印象。本身熱愛籃球嘅佢，除咗係Ball Madness成員之外，並曾任「全國籃球錦標賽」宣傳大使，每次有佢出現嘅比賽，都特別熱鬧。雖然Cheri曾經參加過選美，但喺網上能夠搵到佢嘅資料非常有限，除咗公開過三圍數字（34/25/34)、身高165之外，年齡似乎係一個謎，而看似年紀輕輕嘅佢，竟然已經做過埋線拉皮術，佢更在IG發文大讚效果好好。