【新冠肺炎】TVB小花李君妍家人確診 今早仍有開工藝員擔心中招
撰文：陳栢宇
出版：更新：
新冠肺炎肆虐各地，單計香港已近700單確診個案，更造成4人死亡，搞到人心惶惶。據了解，27歲無綫（TVB）藝員李君妍（Aurora）家人亦確診，可是上星期李君妍仍有返將軍澳電視廣播城拍《姊妹淘》，因為拍攝時沒有戴上口罩，所以不少藝員也擔心中招。李君妍接受《香港01》訪問承認有親人不幸確診：「得知呢個消息後，已經馬上匯報公司，我同媽媽都立即去診所接受快速測試，同埋去廣華醫院做肺部X-Ray檢查，測試結果為陰性，及肺部顯影正常。為安全起見，我哋已經安排聽日朝早做進一步的深喉唾液化驗。」她又指自己會按指引隔離，並暫時一切拍攝工作：「多謝公司同大家嘅關注，希望大家萬事小心、身體健康，自己都可以平安過渡，早日返到工作崗位。」
點擊下圖觀看李君妍IG相片：
+6
與李君妍今早（31/3）合作拍攝《姊妹淘》的孫慧雪，接受傳媒訪問時坦言下午收到通知李君妍家人確診，由於家中有小朋友，所以暫時未敢回家，連老公也不敢見，要搵地方自己隔離：「我都係剛接到公司通知，聽講君妍Check咗係陰性嘅，但要Check 3次先可以作準，7、14同22日，公司都好好，提供咗一啲醫療中心畀我做快速測試，但今日突發發生我都未Check。」
點擊下圖觀看孫慧雪IG靚相：
+8