陳婉衡出動行山吸新鮮空氣　大呻做漏防護措施曬傷心口

新冠肺炎（俗稱：武漢肺炎）疫情下，假日油尖旺區變得水靜河飛，反而去郊外行山就人頭湧湧。Alyciac陳婉衡曾經主持《山系女行yama girl》，熱愛運動嘅佢最近都有趁機去行山，不過就做漏防護措施，搞到好傷。

Alyciac呢個月已經去咗幾次行山，見佢上載嘅相片都無戴口罩，唔知係除低影相定見周圍無咩人所以無戴。可以去戶外吸新鮮空氣的確身心舒暢，但Alyciac就做遺咗重要步驟﹗佢喺IG STORY上載一張相，見到心口曬到紅曬，應該係防曬搽得唔夠，清晰見到運動BRA TOP印，真係睇到都痛，佢仲留言話希望唔會有下一次。