【BB大晒】與馬國明拍攝大打出手 吳岱融：佢拳頭咁大怕咗佢
撰文：吳子生
出版：更新：
吳岱融（鷲哥）今晚（14/3）以表演嘉賓身份出席在電視城舉行的《星光熠熠耀保良》，為慈善獻唱劇集《牛下女高音》插曲《你比我重要》。鷲哥坦言：「呢首歌係我一生人喺TVB唱嘅第一首歌，所以喺未埋位嘅時候，我都要不停練唱，因為想開返把聲，不過講真都有少少緊張，應該一陣上台唱嘅時候都唔會有問題嘅。」
提到日前為新劇《BB大晒》拍攝與馬國明大打出手，鷲哥直言怕受傷：「喺劇裏面佢做我親生仔，因為我冇做老豆嘅責任，所以佢打我，相信大家都知馬明佢牛高馬大，嗰日拍打戲我真係怕咗佢，因為佢拳頭咁夠大，如被佢打中一嘢我就真係好慘，不過好彩佢都好有經驗話晒都係視帝。」