【慶餘年】 范若若晚晚厚敷精華液　「一個月用30瓶防曬噴霧！」

內地綜藝節目《Beauty小姐第二季》每集都會搜羅藝人浴室，並請藝人分享護膚心得。喺《慶餘年》中飾演范若若嘅宋軼甚有古典氣質，白到發光嘅皮膚更令不少網民羨慕。佢曾在《Beauty小姐第二季》表示為咗令自己更有安全感，所以護膚品一定要搽得夠厚。「三層爽膚水、兩層精華，眼霜、然後一大坨面霜再用眼膜，睡覺時就不洗了直接扔掉（眼膜）。」她表示眼膜同面霜基本上係一個月一樽。

由於非常缺乏安全感關係，所以宋軼喺美白功夫方面，更係絕不手軟，她說：「我試過一個月用了30瓶防曬噴霧，也曾經在三亞拍雜誌，一更用了六罐防曬霜。」雖然佢話愈搽愈厚，但都係想要有保護感，仲話嗰次係特殊情況。對於宋軼嘅厚敷精華、防曬，節目中嘅美容博主都認為係too much，並指唔係多就代表好。