【BB大哂】商天娥離巢5年回歸TVB演出：有好劇本要盡力去做！

商天娥（娥姐）今天（9日）出席劇集《BB大哂》拜神活動，這次她飾演馬國明的媽媽，笑言能與視帝合作相當期待。而娥姐其實有5年沒有回到TVB拍劇（2014年11月拍畢《樓奴》後離開），近年她專注舞台劇和綜藝，她說：「今次係監製廖晉碩邀請我，其實佢好了解我份人，佢可能覺得角色好適合我，同我本人好似，因為我份人好開心好樂觀去面對好多事。不過5年冇拍劇係耐咗啲，今次有好劇本要盡力去做。」

娥姐強調暫時和TVB只有這一部劇集的合作，之後要看接下來的情況，她說：「其實我依家都要抽多啲時間陪媽媽，始終佢年紀大，同埋疫情自己都要好小心。我依家週末都要陪佢一齊住，咁佢都好堅強。但有時候老人記性唔係咁好，所以我成日提佢要洗手同戴口罩。琴日先見完佢，手袋一個口罩，口袋又一個口罩。所以我勸咁多位仔女，要睇好老人家。」

點擊睇更多現場靚相！