【BB大晒】岑麗香太耐冇練習廣東話被恥笑：自甘墮落講咗甘自墮落

岑麗香（香香）今天（9日）出席由她主演的劇集《BB大晒》拜神活動，對上一次在TVB拍劇已經是三年前的《果欄中的江湖大嫂》，再次重回TVB拍劇感覺相當開心，她說：「隔咗幾年啦，其實都唔知道自己ready工作返未。所以都同屋企開咗個會，大家一齊商量。因為如果我要求工作，我需要佢哋照顧BB。得到佢哋同意我先有信心接呢一部劇。」

重回拍劇生活，香香需要慢慢習慣，不過有一點她到現在也還沒有習慣，就是說廣東話，她透露：「我要投入返練我嘅廣東話，因為咁耐冇拍劇，係差咗少少。我角色除咗係媽媽之外，我係讀好多書嘅一個女人，識好多字。我最怕劇組要我講四字成語，呢啲真係最難背。我要畀多啲心機。琴日我哋拍緊戲，其實好簡單我都講錯，一家三口我講咗三家一口，真係激死自己。仲有一句係你自甘墮落我講咗甘自墮落，我真係好落力咁講。然後聽到後面有好多人笑我，我諗緊發生乜事。我自己會好尷尬，但帶畀身邊人喜樂都ok嘅。」

點擊睇香香更多靚相！