【新冠肺炎】汪明荃捐防疫用品畀前線醫護：有過萬張消毒濕紙巾

新冠肺炎（俗稱：武漢肺炎）疫情暫時仍未受控，市民仍然要到處撲防疫產品。汪明荃早前話自己都缺口罩，好在得到新加坡粉絲寄口罩應急。呢日LIZA姐亦推己及人，成功撲到大批防疫產品後，親自點算準備送俾前線醫護人員。

汪阿姐話：「今次我準備咗一啲口罩、消毒濕紙巾及搓手液準備捐俾醫護人員，好可惜我地其實訂咗好多，但依家有錢都未必買到，呢度暫時有幾百個口罩捐住先。另外呢度仲有消毒濕紙巾，都超過萬張。希望可以盡少少綿力，希望大家都身體健康。」