【鄭秀文開騷．影片】黎明腦細台上玩自拍　阿Mi爆拉鍊自嘲樣衰

鄭秀文(Sammi)昨晚於紅館舉行第5場《Touch Mi 2鄭秀文世界巡迴演唱會2016》，抱病開騷的Sammi，還有少許咳嗽，但把聲已好了不少。Sammi以《Fabulous》和《螢光粉紅》揭開演唱會序幕，但當唱到《我們的主題曲》時，黑色火焰長裙突然爆拉鍊，而見慣大場面的Sammi也不禁尖叫求救，「我條裙拉鏈爆咗呀，救命呀，好驚呀，我咁瘦點解會爆？」Sammi即時用手按着背脊，而工作人員亦衝上台為她送上外套，Sammi表示：「我都話Part2有嘢唔同架啦，又走音又爆裙，一陣甩褲添呀！我好樣衰！」

此時當晚的表演嘉賓「明福俠」黎明立刻上台保護Sammi，又為她檢查有否走光，總算是有驚無險。黎明和Sammi雖然是樂壇天王天后，但在台上講爛gag時，卻相當貼地親民。Sammi稱呼黎明做「明蝠俠」，而黎明就解釋因胃部不適，所以除掉盔甲去洗手間。Sammi竟然在台上說「你屙拔拔呀？你面青青梗係屙爛屎啦？」Sammi續說：「我爆到落籮柚，但把聲開咗喎。」黎明安慰過Sammi後，再次發揮「金句王」本色，他表示：「呢個世界好多事都係事與願遺，有時幫你再大力推一把！」

Sammi提起黎明早前個唱意外，又彼此互勉，她對黎明表示：「你失篷、我失聲，但我哋處理危機方法都唔錯呀。」黎明即笑說：「不過你性感啲。」此時林日曦上台，三人互相擁抱，自稱是「正常人」的林日曦，表示10日前知悉要做Sammi個唱嘉賓，已經開始覺得「唔自然」，更半開玩笑表示黎明及Sammi也不是「正常人」，黎明貴為天王，卻扮「明福俠」跟網民互動，而Sammi抱病也堅持演出，跟少少病就乘機不返工的「正常人」完全不同。

黎明此時又忍不住講下金句「做嘢想做到100分，通常做到100分嘅時候就有突發事情發生，包括失聲。」其後三人在台上玩自拍，而當Sammi落台換衫時，黎明獻唱他的新歌《我唔係死蠢》，林日曦則全程直播，不但場館內的Sammi粉絲，連安坐家中的黎明粉絲，今次也大有收穫。