【今日疫情】旅遊保險好多都無得賠？　達人教路：可選防疫保險

新冠肺炎全球蔓延，唔少本地旅行社都取消韓國、內地嘅旅行團，而有部分國家因對香港遊行實施入境後14日隔離措施，到底喺非常時期，仲可以去邊抖抖氣呢？《今日疫情》請來深度旅遊公司創辦人張振華同大家研究，他透露北丹近日成了旅遊熱點。「由於近排少咗乘客，所以check in時可以問下工作人員可否安排坐位附近無人，上到機之後盡量唔好使用毛毯，同埋如果有消毒搓手液的話，都可以用嚟抹下個位、檯 、安全帶。」

問到近期應該如何選擇旅遊保險，保險經理Adrian就話被拒入境、取消或更改行程，一般旅遊受保條款都係唔包括。「如果在外遊期間染病，係可以獲得賠償；另外，只要在當地確診，返港後嘅跟進治療都可獲得賠償。」至於近期推出嘅防疫保險，他指出有更大酌情權：「因為新冠肺炎有潛伏期，所以即使唔喺當地確診，返到香港確診的話，當中嘅醫療費用仍然可以獲得賠償。」他建議大家在買保險前，要睇清楚當中嘅條款細節。