【武漢肺炎】王君馨停工個半月　原計劃到韓國學跳舞：幸運冇去到

王君馨（Grace）今天（26日）出席《娛樂大家10點半》的錄音節目，她透露昨天晚上知道要開工有點緊張睡不著：「我有個半月冇開工，之前拍完劇集《失憶24小時》之後就冇真正化妝整頭見過大家。所以琴日有少少失眠，有啲精神緊張，今朝6點半先瞓到。」

因為武漢肺炎關係，Grace在家中個半月近乎沒有外出，她笑言在家中要做的事實在太多，例如：煲劇、做健身、跳舞等。Garce原本更打算趁有時間出國學跳舞，「我想加強自己身體跳舞個節奏，希望進步好多。原本今個星期飛韓國學跳舞，好彩冇飛到。我上網睇到啲跳舞學校都唔開門，都幸運冇去到。」

政府這段時間呼籲市民盡量少外出、少聚會。Grace她確實是少外出了，不過聚會卻沒有減少，她說：「呢段時間我都開放屋企畀啲朋友嚟，我覺得ok嘅，佢哋嚟都係食完飯先上嚟，我都係負責準備飲品。喺我屋企大家都係唱下詩歌、祈禱，因為做呢啲係非常重要，唔係日日睇新聞好容易心情唔好，所以希望身心靈都會健康。」