鄧以婷組織一眾朋友自發派口罩給有需要人士：我覺得要做返啲事

武漢肺炎令香港人出現「撲口罩潮」，很多公公婆婆甚至要排通宵搶購口罩，不過就算排通宵也未必能搶購得到。相信早前令讀者印象深刻的是《東張西望》播出的一集是採訪一名伯伯，當他說買不到口罩後更忍不住流下男兒淚。這段影片播出後令不市民感心痛，紛紛說要送口罩給這名伯伯。

而藝人鄧以婷是因為看完這段影片後，決定組織一班朋友派口罩給有需要的人士，她說：「睇得太多新聞，見到好多公公、婆婆冇口罩。最深刻就係《東張西望》訪問伯伯條片。我睇完真係喊咗出嚟，我覺得世界唔應該係咁。然後我覺得要做返啲事，搵一啲朋友、搵啲良心藥房捐口罩畀我哋。所以希望每人付出少少力量就會變得好強大，幫助到更多嘅人。」

以婷前前後後外出派發了總共4次，她透露收集了約2000個口罩左右：「之前我哋成班都每人夾幾千出嚟，因為早期都買口罩比較容易，都係韓國可以買到。不過之後越來越難買同貴，所以有托啲朋友買。接下來都會繼續，因為好多朋友見到我去派都話想join，我覺得好開心。」