【法證先鋒IV】83歲謝賢回巢拍劇竟然話唔睇：我喺屋企唔睇電視

TVB重頭劇集《法證先鋒IV》前晚（17日）首播，一眾演員及幕後為新劇造勢，83歲謝賢（四哥）和米雪亦現身出席。四哥說：「TVB養大我㗎嘛。（會好期待套劇？）我喺屋企唔睇電視，我從來都唔睇自己作品。」米雪姐笑言四哥不喜歡自己作品，但自己卻很喜歡他的演出；說到劇集最辛苦之處，米雪姐覺得一定是自己：「其實劇裡面要畀四哥打，拍個陣我已經同四哥講要錫住我打落去。佢同我講唔好驚，唔會痛。打完原來真係唔痛架，所以真係要同四哥學嘢。」另外武漢肺炎關係，二人戴著口罩宣傳，覺得這是為了保護他人和自己。不過四哥笑言：「我乜都唔驚，戴口罩係到已經趕走哂啲菌啦。（有叫霆鋒佢哋注意？）唔洗啦，呢啲好小事。總之自己乾乾淨淨就可以。」