Dear Jane網唱《中秋你注定一人》應節　陪宅男驅走孤單

今晚是人月兩團圓的中秋佳節，打工仔都有意無意準時放工，甚至有老闆讓員工提早下班，讓大家可以陪下家人或情人過節。不過對於宅男來講，中秋節同情人節、聖誕節一樣，都是躲在房內，上網一個人度過，在全世界熱鬧高興的氛圍中，更加顯得孤單。樂壇組合Dear Jane就在Facebook專頁，唱了一首《中秋你注定一人》，跟大家應下節。

其實這首歌是網民的二次創作，將Dear Jane的《不許你注定一人》重新填詞，每一句都甚為啜核應景，當中「中秋你注定一人，冇嘢食又冇氣氛，返屋企注定鋪塵，去慶節又很愚笨」，唱出了宅男過中秋佳節時的孤獨心聲，甚為貼地到肉。而副歌裏的一句「從來中秋裏只得一個我，求其孤身咁過」，完全是宅男的過節寫照。

不過Dear Jane就叫大家不用怕孤單寂寞，如果覺得一個人悶，就跟住他們一起唱，高歌發洩一番，「中秋節嘅你，自己一個係唔緊要嘅，聽住我哋唱歌就唔會孤單一個啦。」不少網民都覺得「身同感受」及「佳節最傷人」，還有網民表示應該唱埋改編自《到此為止》的《單身過節》才夠應景。最後Dear Jane一邊食月餅，一邊祝大家中秋節快樂。