【多圖】因拍《啪啪Partner》成名　陳康琪性感拍避孕套廣告

曾以性感造形現身的陳康琪（Odilia）因拍攝ViuTV與性有關的節目《啪啪Partner》所以對性愛用品知識大大增加，亦因為佢爽朗、口直心快無所不談既性格得到廣告商賞識，接拍左一個避孕套嘅廣告。

Odilia 指:「開頭知道要拍避孕套嘅廣告都有擔心，但同客戶、導演開完會了解左成個廣告概念之後，我就好放心拍呢個廣告。到正式拍攝當日開頭都有少少尷尬，始終有好多親密鏡頭，同埋要用好溫柔誘人嘅聲講對白。哈哈，呢個直頭係我嘅死穴，導演示範比我仲更誘人，好彩到後期個人放鬆咗就可以做到導演想要嘅效果。今次嘅拍攝我除咗增加咗對避孕套嘅認識之外，亦係拍攝方面長知識，要多謝有好好嘅拍攝團隊同對手。」

廣告將會在情人節面世，Odi續說:「我已經搶先睇咗廣告完整版，成個效果好好我好鍾意啊，希望大家都會鍾意啦。」