【武漢肺炎】王君僅餘半盒口罩　堅持與衛蘭送贈深水埗居民

武漢肺炎疫情持續擴散，有香港市民表示因為「撲」唔到口罩而選擇留守家中。王君馨（Grace）昨晚於IG發文表示自己屋企都只係得返半盒口罩，但因為信仰原因，所以堅持與衛蘭（Janice)去到深水埗派發口罩。

王君馨表示:「我和兩位好姊妹係屋企團契，在祈禱中，俾聖靈感動，叫我們去深水埗派口罩。當時的我，家中只得返半盒口罩，都有少少擔心，但相信如果神叫我們做的事情，祂一定會好好照顧我們。祂的恩典夠我們用。」首次派口罩，王君馨表示心情興奮又緊張。「估唔到兩個鐘頭後的我們，除咗有機會派口罩給有需要的街坊，仲同一班年輕人一齊傾談，一齊祈禱，讓我們小小的力量去鼓勵他們。」王君馨最後更感謝同行的兩位好姊妹。